(٨٨٢٥) طاؤس کہتے ہیں کہ رسول اللہ (صلی اللہ علیہ وآلہ وسلم) حج و عمرہ کا نام لیے بغیر مدینہ سے نکلے اور اللہ کی طرف سے فیصلہ کا انتظار کرتے رہے حتیٰ کہ آپ (صلی اللہ علیہ وآلہ وسلم) صفا و مروہ کے درمیان تھے تو آپ پر فیصلہ نازل ہوا۔ آپ (صلی اللہ علیہ وآلہ وسلم) نے اپنے ساتھیوں کو حکم دیا کہ جس نے حج کا احرام باندھا ہے اور اس کے پاس قربانی نہیں ہے تو وہ اس کو عمرہ ہی بنا لے اور فرمایا : اگر مجھے اس معاملہ کا پہلے علم ہوجاتا جس کا بعد میں ہوا ہے تو میں قربانی نہ لے کر آتا، لیکن میں نے سرپرتلبیہ کیا ہے اور اپنی قربانی لے کر آیا ہوں، لہٰذا میرے لیے حلال ہونے کی جگہ قربانی کے حلال ہونے کی جگہ کے علاوہ نہیں ہے تو سراقہ بن مالک (رض) کھڑے ہوئے اور کہا : اے اللہ کے رسول ! ہمیں فیصلہ کن بات بتائیں گویا کہ ہم آج ہی پیدا ہوئے ہیں، کیا یہ عمرہ صرف اس سال کے لیے ہے یا ہمیشہ کے لیے ؟ آپ (صلی اللہ علیہ وآلہ وسلم) نے فرمایا : بلکہ ہمیشہ کے لیے ہے، قیامت تک عمرہ حج میں شامل ہوگیا ہے۔ علی (رض) یمن سے آئے تو نبی (صلی اللہ علیہ وآلہ وسلم) نے اس سے پوچھا : تو نے کیا تلبیہ کہا تھا ؟ تو کہنے لگے کہ نبی (صلی اللہ علیہ وآلہ وسلم) والا تلبیہ کہا تھا۔