(٨٨٣٠) ایک شخص ابن عمر (رض) کے پاس آیا اور پوچھا کہ رسول اللہ (صلی اللہ علیہ وآلہ وسلم) نے کیا تلبیہ کہا تھا ؟ ابن عمر (رض) نے کہا کہ صرف حج کا تلبیہ کہا تھا، پھر وہ اگلے سال آیا اور ان سے پھر پوچھا کہ رسول اللہ (صلی اللہ علیہ وآلہ وسلم) نے کس طرح تلبیہ کہا تھا ؟ کہنے لگے : کیا تو گزشتہ سال نہیں آیا تھا کیا ؟ کہنے لگا : کیوں نہیں، لیکن انس بن مالک (رض) تو سمجھتے ہیں کہ انھوں نے حج قران کیا تھا، ابن عمر (رض) کہنے لگے کہ انس بن مالک (رض) تو عورتوں میں چلے جاتے تھے جب کہ وہ سر کھولے ہوتیں تھیں اور میں رسول اللہ (صلی اللہ علیہ وآلہ وسلم) کی اونٹنی کے نیچے تھا اس کا لعاب مجھے چھو رہا تھا میں نے انھیں حج کا تلبیہ کہتے ہوئے سنا۔