(٩٠٩٩) یعلی بن امیہ (رض) فرماتے ہیں کہ ایک شخص خلوق لگا جبہ پہن کر نبی (صلی اللہ علیہ وآلہ وسلم) کے پاس جعرانہ میں پہنچا اور میں بھی وہیں موجود تھا۔ وہ کہنے لگا : میں نے عمرہ کی نیت کی ہے اور میں نے یہ خلوق والا جبہ پہنا ہوا ہے تو نبی (صلی اللہ علیہ وآلہ وسلم) نے فرمایا : تو حج میں کیا کرے گا ؟ اس نے کہا : میں یہ کپڑے اتاروں گا اور خلوق دھو ڈالوں گا تو آپ (صلی اللہ علیہ وآلہ وسلم) نے فرمایا : جو کام تو حج میں کرتا ہے وہ عمرہ میں بھی کر۔