(٩١٨) ابو حاجب ایک صحابی رسول سے جن کا تعلق بنی غفار قبیلے سے ہے نقل فرماتے ہیں کہ نبی (صلی اللہ علیہ وآلہ وسلم) نے فرمایا : کوئی مرد کسی عورت کے بچے ہوئے پانی سے طہارت حاصل نہ کرے۔
(ب) امام محمد بن اسماعیل بخاری کہتے ہیں کہ ابو حاجب سوادہ بن عاصم عنزی کا شمار بصریوں میں ہوتا ہے اور اسے غفاری بھی کہا جاتا ہے۔ میرے خیال کے مطابق اس کا حکم بن عمرو سے روایت کرنا صحیح نہیں۔
امام بیہقی (رح) فرماتے ہیں کہ مجھے ابو عیسیٰ ترمذی سے روایت پہنچی ہے کہ میں نے محمد بن اسماعیل بخاری (رح) سے اس حدیث کے متعلق پوچھا تو انھوں نے کہا : ابو حاجب کا حکم بن عمرو سے روایت کرنا صحیح نہیں۔
(ج) علی بن عمر الحافظ کہتے ہیں کہ ابو حاجب کا نام سواد بن عاصم ہے، اس بارے میں اختلاف ہے۔ عمران بن حدیر اور غزوان بن حجیر سدوسی اس سے موقوفاً روایت کرتے ہیں۔ حکم کے قول سے جو نبی (صلی اللہ علیہ وآلہ وسلم) سے غیر مرفوع منقول ہے۔