(٩٣١٣) سیدہ عائشہ (رض) فرماتی ہیں کہ نبی (صلی اللہ علیہ وآلہ وسلم) نے فرمایا : کیا تو نے اپنی قوم کو نہیں دیکھا جب انھوں نے کعبہ بنایا تو ابراہیم کی بنیادوں سے کم کردیا ، میں نے کہا : اے اللہ کے رسول ! آپ اسے ابراہیم کی بنیادوں پر کیوں نہیں لوٹا دیتے تو آپ نے فرمایا : اگر تیری قوم کا کفر کے ساتھ قریبی دور نہ ہوتا تو میں ایسا کردیتا تو عبداللہ بن عمر (رض) فرماتے ہیں : اگر عائشہ (رض) نے یہ بات نبی (صلی اللہ علیہ وآلہ وسلم) سے سنی ہے تو پھر میں سمجھتا ہوں کہ نبی (صلی اللہ علیہ وآلہ وسلم) نے پتھر کے قریب والے دو رکنوں کو چھونا اسی وجہ سے چھوڑا ہے کہ یہ قواعد ابراہیم پر نہیں۔