(٩٣١٥) سیدہ عائشہ (رض) فرماتی ہیں کہ میں نے رسول اللہ (صلی اللہ علیہ وآلہ وسلم) سے پوچھا کہ کیا دیوار بیت اللہ میں سے ہے ؟ آپ (صلی اللہ علیہ وآلہ وسلم) نے فرمایا : ہاں ! میں نے کہا : کیا وجہ ہے انھوں نے اسے بیت اللہ میں داخل نہیں کیا ؟ آپ (صلی اللہ علیہ وآلہ وسلم) نے فرمایا : تیری قوم کے پاس خرچہ کم ہوگیا تھا، میں نے کہا : کیا وجہ ہے کہ اس کا دروازہ اونچا ہے ؟ آپ نے فرمایا : تیری قوم نے یہ اس لیے کیا ہے تاکہ جس کو چاہیں اندر داخل ہونے دیں اور جس کو چاہیں روک لیں اور اگر تیری قوم جاہلیت کے ساتھ تازہ تعلق والی نہ ہوتی اور ان کے دلوں میں برائی کا خوف نہ ہوتا تو میرا خیال تھا کہ دیوارکو بیت اللہ میں داخل کردیا جائے اور اس کا دروازہ زمین کے ساتھ لگا دیا جائے۔