(٩٣٥٩) عروہ بن زبیر فرماتے ہیں کہ میں نے سیدہ عائشہ (رض) سے کہا : آپ کا اس آیت کے بارے میں کیا خیال ہے {إِنَّ الصَّفَا وَالْمَرْوَۃَ مِنْ شَعَائِرِ اللَّہِ } میں نے کہا : اگر کوئی صفا و مروہ کا طواف نہ بھی کرے تو اس پر کوئی حرج نہیں ہے تو عائشہ (رض) نے فرمایا : میرے بھانجے ! تو نے بہت برا کہا ہے ، اگر اس آیت کا وہ معنی ہوتا جو تو نے لیا ہے تو آیت یوں ہوتی فلا جناح علیہ الا یطوف بہما، لیکن یہ انصار کے بارے میں نازل ہوئی ہے ، وہ اسلام لانے سے پہلے مناۃ طاغوت کے لیے تلبیہ کہتے تھے، جس کی وہ مشعل کے پاس عبادت کرتے تھے اور جو اس کے لیے تلبیہ کہتا تھا وہ صفا و مروہ کا طواف کرنے میں حرج محسوس کرتا تھا تو جب انھوں نے نبی (صلی اللہ علیہ وآلہ وسلم) سے پوچھا تو اللہ نے یہ آیت نازل فرمائی : ان الصفا والمروۃ الخ، عائشہ (رض) فرماتی ہیں : نبی (صلی اللہ علیہ وآلہ وسلم) نے ان دونوں کے درمیان طواف مشروع قرار دیا ہے تو کسی کے لیے بھی جائز نہیں ہے کہ وہ ان کا طواف نہ کرے۔ [صحیح۔ مالک : ٨٣٢)