(٩٥١٧) جابر بن عبداللہ (رض) فرماتے ہیں کہ نبی (صلی اللہ علیہ وآلہ وسلم) مزدلفہ آئے ، وہیں مغرب اور عشاء ایک اذان اور دو اق امتوں کے ساتھ ادا کیں اور ان کے درمیان کچھ نہ پڑھا ۔ پھر رسول اللہ (صلی اللہ علیہ وآلہ وسلم) لیٹ گئے حتیٰ کہ فجر طلوع ہوئی، جب صبح آپ (صلی اللہ علیہ وآلہ وسلم) کے لیے واضح ہوئی تو آپ (صلی اللہ علیہ وآلہ وسلم) نے اذان اور اقامت کے ساتھ صبح کی نماز ادا کی ۔ پھر قصواء پر سوار ہوئے حتیٰ کہ مشعر حرام پر چڑھے اللہ کی حمد بیان کی لا الٰہ کہا اور وہیں کھڑے رہے حتیٰ کہ خوب سفیدی ہوگئی۔ پھر وہاں سے سورج طلوع ہونے سے پہلے نکلے اور فضل بن عباس کو اپنے پیچھے بٹھایا۔