(٩٥٣٢) اسامہ بن زید (رض) فرماتے ہیں کہ وہ رسول اللہ (صلی اللہ علیہ وآلہ وسلم) کے ساتھ عرفہ سے لوٹے ، آپ کی سواری نے اپنے پاؤں زیادہ نہیں اٹھائے حتیٰ کہ مزدلفہ پہنچے اور مجھے فضل بن عباس (رض) نے بتایا کہ وہ مزدلفہ سی نبی (صلی اللہ علیہ وآلہ وسلم) کا ردیف تھے ۔ آپ کی سواری نے پاؤں زیادہ نہیں اٹھائے حتیٰ کہ جمرہ کو کنکریاں ماریں۔
عفان کی روایت میں ہے کہ اسامہ بن زید نے حدیث بیان کی کہ وہ عرفہ کی رات رسول اللہ (صلی اللہ علیہ وآلہ وسلم) کے ردیف تھے۔ جب آپ (صلی اللہ علیہ وآلہ وسلم) لوٹے۔۔۔ اور دوسری حدیث میں فرماتے ہیں کہ فضل بن عباس نے انھیں حدیث بیان کی۔ [صحیح ]
طاؤس یمانی نے نبی (صلی اللہ علیہ وآلہ وسلم) سے اسی طرح کی حدیث روایت کی ہے اور وہ سواری کو بھگانے کی نفی کرتے تھے۔
اور عطاء سے منقول ہے کہ یہ انھوں نے ایجاد کی ہے۔
ہم نے وادیٔ محسر میں سواری بھگانا رسول اللہ (صلی اللہ علیہ وآلہ وسلم) سے روایت کیا ہے، پھر صحابہ کی ایک کثیر تعداد سے بھی منقول ہے۔
اس بارے میں صحیح قول اس کا ہے، جس نے ثابت کیا ہے، ما سوائے اس کے قول کے جس نے اس کی نفی کی ہے۔ وباللہ التوفیق