(٩٥٤٧) اعمش کہتے ہیں کہ میں نے حجاج کو منبر پر خطبہ دیتے ہوئے سنا کہ قرآن کو ایسے تالیف کرو جیسے جبریل نے کیا ہے ، وہ سورة جس سے گائے کا ذکر ہے، وہ سورة جس میں نساء کا ذکر ہے، وہ سورة جس میں آل عمران کا ذکر ہے تو میں ابراہیم کو ملا اور اس کو یہ بات بتائی تو انھوں نے اس کو برا بھلا کہا ، پھر فرمایا : مجھے عبدالرحمن بن یزید نے خبر دی کہ وہ عبداللہ بن مسعود (رض) کے ساتھ جمرہ عقبہ پر تھا جب وہ پہنچے تو وادی کے درمیان میں کھڑے ہوئے اور اس کو سامنے رکھ کر سات چھوٹی چھوٹی کنکریاں ماریں اور ہر کنکری کے ساتھ تکبیر کہی، میں نے کہا : لوگ تو ان کو اوپر سے مارتے ہیں تو انھوں نے کہا : اس ذات کی قسم جس کے علاوہ کوئی اور معبود نہیں ہے۔ یہ اس شخص کا مقام ہے، جس پر سورة البقرہ اتری۔