(٩٥٤٩) عبدالرحمن بن یزید اپنے والد سے روایت کرتے ہیں کہ انھوں نے کہا : میں عبداللہ کے ساتھ جمع سے لوٹا تو وہ تلبیہ کہتے رہے حتیٰ کہ جمرہ عقبہ کو مارا ، پھر وادی کے درمیان میں ہوئے اور کہا : اے میرے بھتیجے ! مجھے سات پتھر پکڑاؤ تو انھوں نے سات کنکریاں ماریں، ہر کنکری کے ساتھ تکبیر کہتے تھے، حتیٰ کہ جب فارغ ہوئے تو کہا : اے اللہ ! اس حج کو مقبول بنا لے اور گناہوں کو معاف فرما دے ۔ پھر کہا : میں نے اسی طرح کرتے ہوئے اس ذات کو دیکھا جس پر سورة بقرہ نازل ہوئی۔