(٩٧٢) سیدنا ابن عمر (رض) سے روایت ہے کہ سیدنا عمر (رض) نے نبی (صلی اللہ علیہ وآلہ وسلم) سے پوچھا : کیا حالتِ جنابت میں ہم میں سے کوئی سو سکتا ہے ؟ آپ (صلی اللہ علیہ وآلہ وسلم) نے فرمایا :” ہاں وضو کرے پھر سو جائے جب چاہے ۔ “ جب عبداللہ بن عمر (رض) حالتِ جنابت میں سونے کا ارادہ کرتے تو اپنے ہاتھوں پر پانی ڈالتے، پھر اپنی شرمگاہ کو بائیں ہاتھ سے دھوتے، پھر اس ہاتھ کو دھوتے جس سے شرمگاہ دھوئی تھی، پھر کلی کرتے اور ناک میں پانی چڑھاتے اور اپنی آنکھوں میں چھینٹے مارتے اور اپنا چہرہ اور ہاتھ کہنیوں سمیت دھوتے اور اپنے سر کا مسح کرتے، پھر سو جاتے۔ اگر حالت جنابت میں کوئی چیز کھانے کا ارادہ کرتے تو اسی طرح کرتے۔