(٩٧٧٥) ابو نجیح حضرت مجاہد (رض) سے نقل فرماتے ہیں کہ الرفث سے مراد جماع ہے ” الفسوق “ سے مراد نافرمانی ہے اور ایام حج میں جھگڑا نہیں۔ فرماتے ہیں کہ یہ ایسا مہینہ نہیں جس کو مقدم اور موخر کریں ، بلکہ حج کا مہینہ واضح ہے۔ اس میں کوئی شک نہیں۔ یہ اس وجہ سے تھا کہ وہ محرم کے مہینہ کو ویسے گرا دیتے تھے یعنی ساقط کردیتے۔ پھر وہ کہتے : صفر تو صفر کے بدلے میں ہے اور کبھی ماہ ربیع الاول کو ساقط کردیتے اور ربیع الثانی کا نام دے دیتے۔
شیخ فرماتے ہیں : نبی (صلی اللہ علیہ وآلہ وسلم) کے حج سے پہلے حضرت ابوبکر صدیق (رض) کے حج کے بارے میں اختلاف ہے کہ انھوں نے ذی قعدہ یا ذی الحجہ میں حج کیا ہے۔ مجاہد فرماتے ہیں کہ ذی القعدہ میں انھوں نے حج کیا جب کہ بعض کے نزدیک ذوالحجہ ہی میں حج کیا گیا۔