(٩٧٩٦) سالم بن عبداللہ فرماتے ہیں : عبداللہ بن عمر (رض) نے ایک حدیث ذکر کی کہ جب رسول اللہ (صلی اللہ علیہ وآلہ وسلم) مکہ آئے تو آپ (صلی اللہ علیہ وآلہ وسلم) نے لوگوں سے فرمایا : جو تم میں سے قربانی ساتھ لے کر آیا ہے وہ حج کو مکمل کرنے تک حلال نہ ہوگا اور جو قربانی ساتھ نہیں لایا وہ بیت اللہ اور صفا ومروہ کا طواف کرے اور بال کٹواکر حلال ہوجائے ، پھر دوبارہ حج کا احرام باندھے اور قربانی کرے۔ جس کو قربانی میسر نہ ہو وہ تین دن کے روزے ایام حج میں رکھے اور سات روزے گھر واپس آکر رکھ لے۔
(ب) نافع ابن عمر سے اس شخص کے بارے میں نقل فرماتے ہیں : جس کا حج رہ جائے، اگر آئندہ سال حج اس کو پالے اگر طاقت ہو (خرچہ موجود ہو) تو حج کرے اور قربانی بھی دے۔ اگر قربانی میسر نہ ہو تو ایام حج میں تین روزے رکھے اور سات روزے گھر واپس آکر۔
(ج) سلیمان بن یسارنے حضرت عمر بن خطاب (رض) سے ھبار کے قصہ کے بارے میں نقل کیا جس وقت اس کا حج رہ گیا۔