(٩٨٦١) عبدالملک بن عمیر نے قبیصہ بن جابراسدی سے سنا، کہتے ہیں : ہم حج کے لیے نکلے اور ہمارے زیادہ بامروت لوگ تھے اور ہم محرم بھی تھے۔ ہرن زیادہ تیز دوڑتا ہے یا گھوڑا ہم یہی باتیں کر رہے تھے کہ ہرن سامنے آگیا اور سنوح کا لفظ بھی اس طرح ہی ہے۔ وہ کہتے ہیں کہ وہ ہم سے شمال کی طرف گزر گیا۔ ہارون نے اس کو شد کے ساتھ پڑھا ہے۔ ہم میں سے کسی ایک آدمی نے اس کو پتھر مارا۔ اس کے تیر کا نشانہ خطا نہ ہوا اور وہ اس کو دھمکا رہا تھا۔ اس نے اس کو قتل کردیا۔ وہ ہمارے سامنے گرگیا، جب ہم مکہ آئے تو حضرت عمر (رض) کے پاس منیٰ میں گئے۔ میں اور ہرن والا حضرت عمر (رض) کے پاس گئے تو اس نے ہرن کے قتل کا قصہ حضرت عمر (رض) کے سامنے بیان کیا اور کبھی کہتے ہیں کہ میں اور ہرن والا آگے بڑھے اور ان پر قصہ بیان کیا تو حضرت عمر (رض) نے پوچھا : جان بوجھ کر ایسا کیا یا غلطی سے ؟ بعض اوقات حضرت عمر (رض) اس سے سوال کرتے کہ کیا تو نے جان بوجھ کر قتل کیا ہی یا غلطی سے ؟ اس نے کہا : تیر تو جان بوجھ کر مارا لیکن قتل کا ارادہ نہ کیا تھا ۔ آدمی نے زائد بیان کیا تو حضرت عمر فرمانے لگے کہ عمداً اور خطا دونوں مل گئے۔ پھر آدمی کی طرف متوجہ ہوئے ، اللہ کی قسم ! اس کا چہرہ چاندی کی طرح چمک رہا تھا۔ بعض اوقات یہ بیان کیا کہ پھر آدمی کو آپ نے بلا کر اس سے کلام کی۔ پھر میرے ساتھی پر متوجے ہوئے اور فرمایا : ایک بکری لے کر ذبح کرو اور اس کا گوشت کھلاؤ۔ کبھی فرماتے : اس کا گوشت صدقہ کرو اور اس کے چمڑے کا مشکیزہ بنا کر پانی پلایا کرو۔ جب ہم ان کے پاس سے نکلے تو میں آدمی پر متوجہ ہوا۔ میں نے ان سے کہا : اے عمر بن خطاب (رض) سے فتویٰ پوچھنے والے ! حضرت عمر (رض) کا فتویٰ اللہ سے تجھے کچھ کفایت نہ کرے گا : کیوں کہ حضرت عمر (رض) تو جانتے نہ تھے بلکہ وہ اپنے قریب بیٹھے ہوئے آدمی سے پوچھتے تھے، اپنی سواری کو ذبح کر اور اس کا گوشت صدقہ کر اور اللہ کے شعائر کی تعظیم کیا کرو۔ کہتے ہیں : وہ چشمہ والا ان کی طرف آگے بڑھا۔ بعض اوقات بیان کرتے ہیں کہ وہ چشمے والا حضرت عمر (رض) کے پاس گیا اور بعض اوقات کہتے ہیں : میں کچھ نہیں جانتا۔ اللہ کی قسم ! میں صرف اس کا شعور رکھتا ہوں، وہ مجھے کوڑے مارتا ہے اور بعض اوقات میرے ساتھی کے رخسار پر مارتا ہے۔ پھر کہا : اللہ تجھے قتل کرے تو نے فتویٰ میں ظلم کیا اور تو نے حرام کو قتل کردیا اور تو کہتا ہے : اللہ کی قسم ! حضرت عمر (رض) جانتے ہی نہیں، جب تک وہ اپنے پہلو میں بیٹھے شخص سے سوال نہ کرلیں۔ کیا آپ نے اللہ کی کتاب نہیں پڑھی ؟ اللہ فرماتے ہیں :{ ذَوَا عَدْلٍ مِّنْکُمْ } (المائدۃ : ٩٥) ” کہ فیصلہ دو عادل کریں۔ “ پھر وہ میری طرف متوجہ ہوئے اور اکٹھی کی ہوئی چادر کو پکڑا اور بعض اوقات کہتے ہیں : میرے کپڑے کو پکڑا۔ میں نے کہا : اے امیرالمومنین ! میں اپنی طرف سے کسی کام کو آپ کے لیے جائز قرار نہ دوں گا، جو اللہ نے آپ کے لیے حرام قرار دیا ہے۔ اس نے مجھے چھوڑ دیا۔ پھر میری طرف متوجہ ہوئے اور کہنے لگے میں تجھے فصیح زبان والا، کشادہ سینے والا نوجوان خیال کرتا ہوں اور کبھی انسان میں نو عادتیں ہوتی ہیں۔ نو تو اچھی ہوتی ہیں یا بعض اوقات صالحہ کا لفظ بولا ہے کہ درست ہوتی ہے اور ایک عادت بری ہوتی ہے۔ وہ بری ایک عادت نو اچھی کو بھی خراب کردیتی ہیں اور جوانی کی آفات سے بچو ۔ ابن ابی عمر اور سفیان کہتے ہیں کہ عبدالملک جب یہ حدیث بیان کرتے تو کہتے کہ میں نے الف اور واؤ کو بھی نہیں چھوڑا۔