(٩٨٦٤) طارق بن شہاب کہتے ہیں کہ ہم حج کے لیے نکلے ، ایک آدمی نے ہرن کو روند کر زخمی کردیا۔ اس کا نام اربد تھا۔ ہم حضرت عمر (رض) کے پاس آئے تو اربد نے سوال کیا۔ حضرت عمر (رض) نے اربد کو حکم دیا کہ فیصلہ کرو تو اربد کہنے لگے : اے امیرالمومنین ! آپ مجھ سے بہتر اور زیادہ بڑے عالم ہیں۔ حضرت عمر (رض) فرمانے لگے : میں نے تجھے فیصلہ کا حکم دیا ہے نہ کہ تزکیہ کا تو اربد نے بکری کے بچے کا فیصلہ سنایا۔ گویا کہ انھوں نے پانی اور درخت کو جمع کردیا۔ حضرت عمر (رض) نے فرمایا : اسی طرح ہی ہے۔