(٩٩١٤) حضرت ابوہریرہ (رض) جناب عبداللہ بن عمر (رض) سے نقل فرماتے ہیں کہ ایک محرم قوم مقام ربزہ سے گزری تو انھوں نے شکار کے گوشت کے بارے میں سوال کیا، جس کو حلال لوگوں نے پایا تھا۔ کیا وہ اس کو کھا لیں تو انھوں نے اس کے کھانے کا فتویٰ دیا ، پھر میں حضرت عمر (رض) کے پاس آیا اور اس کے بارے میں پوچھا تو وہ کہنے لگے : تو نے ان کو کیا فتویٰ دیا ہے ؟ کہتے ہیں : میں نے ان کو کھانے کا فتویٰ دیا ہے۔ حضرت عمر (رض) فرمانے لگے : اگر تو اس کے بغیر کوئی دوسرا فتویٰ دیتا تو میں تجھے تکلیف دیتا۔
(ب) عطاء بن یسار فرماتے ہیں کہ کعب احبار شام سے محرم آدمیوں کے قافلہ میں آئے۔ ابھی کسی راستہ میں ہی تھے۔ انھوں نے شکار کا گوشت پا لیا تو کعب نے ان کو کھانے کا فتویٰ دے دیا، جب وہ حضرت عمر (رض) کے پاس آئے تو انھوں نے ان کے سامنے تذکرہ کیا۔ انھوں نے پوچھا : کس نے تمہیں اس کے بارے میں فتویٰ دیا ہے۔ انھوں نے کہا : کعب نے۔ کہنے لگے : میں نے کعب کو تمہارا امیر مقرر کردیا ہے جب تک تم واپس آؤ۔