(٩٩٢٨) ابن عباس (رض) نے ان کو خبر دی کہ صعب بن جثامہ فرماتے ہیں کہ رسول اللہ (صلی اللہ علیہ وآلہ وسلم) ابواء، یا ودان نامی جگہ سے گزر رہے تھے کہ انھوں نے آپ (صلی اللہ علیہ وآلہ وسلم) کو ایک نیل گائے تحفہ میں دی، جب رسول اللہ (صلی اللہ علیہ وآلہ وسلم) نے ان کے چہرہ میں کراہت دیکھی تو فرمایا : کسی وجہ سے رد نہیں کیا گیا ، میں محرم ہوں اس لیے رد کیا ہے۔
(ب) ابن عباس (رض) فرماتے ہیں کہ عصب بن جثامہ نے خبر دی کہ اس نے نبی (صلی اللہ علیہ وآلہ وسلم) کو نیل گائے کا گوشت تحفہ میں دیا، آپ (صلی اللہ علیہ وآلہ وسلم) نے واپس کردیا، آپ (صلی اللہ علیہ وآلہ وسلم) نے اس کے چہرہ پر ناراضگی کے آثار دیکھے تو فرمایا : میں نے صرف محرم ہونے کی وجہ سے رد کیا ہے اور کوئی وجہ نہیں ۔
(ج) سفیان نے حدیث میں بیان کیا ہے کہ میں نے آپ (صلی اللہ علیہ وآلہ وسلم) کو نیل گائے کا گوشت تحفہ میں دیا تھا۔