(٩٩٣٩) اسحاق بن عبداللہ بن حارث اپنے والد سے نقل فرماتے ہیں کہ حارث حضرت عثمان (رض) کی جانب سے طائف پر نگران و خلیفہ تھے۔ انھوں نے حضرت عثمان (رض) کے لیے کھانا بنایا۔ اس میں چکوروں اور نیل گائے کا گوشت شامل کیا، اس نے حضرت علی بن ابی طالب (رض) کی طرف روانہ کیا، قاصد آیا تو وہ اپنے اونٹوں کے لیے اپنے ہاتھ سے پتے جھاڑ رہے تھے۔ انھوں نے کہا : کھاؤ۔ انھوں نے فرمایا : حلال لوگوں کو کھلاؤ، ہم تو محرم ہیں۔ پھر حضرت علی (رض) نے فرمایا : میں اللہ کی قسم دیتا ہوں جو بھی یہاں موجود ہے، کیا تم جانتے ہو کہ رسول اللہ (صلی اللہ علیہ وآلہ وسلم) کو نیل گائے کی ایک ٹانگ پیش کی گئی۔ آپ (صلی اللہ علیہ وآلہ وسلم) محرم تھے تو آپ (صلی اللہ علیہ وآلہ وسلم) نے اس سے کچھ بھی کھایا۔ انھوں نے کہا : ہاں۔
(ب) صعب بن جثامہ کا قصہ کہ نیل کا گوشت تحفہ میں دیا، لیکن حضرت علی اور ابن عباس (رض) کا موقف ہے کہ محرم کے لیے مطلق طور پر کھانا حرام ہے۔ ان دو کی مخالفت حضرت عمر، عثمان، طلحہ زبیر (رض) کرتے ہیں۔ ان کی دلیل حضرت جابر اور ابوقتادہ (رض) کی حدیث ہے۔