(٩٩٧٢) عامر بن سعد کہتے ہیں کہ سعد عقیق نامی جگہ کی طرف سوار ہو کر اپنے گھر گئے۔ انھوں نے ایک غلام کو پایا وہ درخت کاٹ رہا تھا۔ انھوں نے ان سے چھین لیا۔ جب وہ غلام گھر واپس گیا تو اس کے گھر والے آگئے۔ وہ سوال کر رہے تھے کہ واپس کریں جو ان کے غلام سے لیا گیا ہے۔ کہنے لگے : معاذ اللہ ! اللہ کی پناہ کہ میں کوئی چیز واپس کروں جو رسول اللہ (صلی اللہ علیہ وآلہ وسلم) نے مجھے غنیمت میں دی ہے اور ان کی طرف کچھ بھی واپس نہ کیا۔