Sahih Bukhari: Hadith 1175

ہم سے مسدد بن مسرہد نے بیان کیا، کہا کہ ہم سے یحییٰ بن سعید قطان نے بیان کیا، ان سے شعبہ بن حجاج نے، ان سے توبہ بن کیسان نے، ان سے مورق بن مشمرج نے، انہوں نے بیان کیا کہ میں نے عبداللہ بن عمر (رض) سے پوچھا کہ کیا آپ چاشت کی نماز پڑھتے ہیں ؟ انہوں نے فرمایا کہ نہیں۔ میں نے پوچھا اور عمر پڑھتے تھے ؟ آپ نے فرمایا کہ نہیں۔ میں نے پوچھا اور ابوبکر (رض) ؟ فرمایا نہیں۔ میں نے پوچھا اور نبی کریم ﷺ ؟ فرمایا نہیں۔ میرا خیال یہی ہے۔