Sahih Bukhari: Hadith 3525

ہم سے عمر بن حفص نے بیان کیا، کہا ہم سے ہمارے والد نے بیان کیا، کہا ہم سے اعمش نے، کہا ان سے عمرو بن مرہ نے، ان سے سعید بن جبیر نے اور ان سے عبداللہ بن عباس (رض) نے بیان کیا کہ جب (سورۃ الشعراء کی) یہ آیت اتری وأنذر عشيرتک الأقربين‏ اے پیغمبر ! اپنے قریبی رشتہ داروں کو ڈرا۔ تو نبی کریم ﷺ نے قریش کے مختلف قبیلوں کو بلایا اے بنی فہر ! اے بنی عدی ! جو قریش کے خاندان تھے۔ (امام بخاری (رح) نے) کہا کہ ہم سے قبیصہ نے بیان کیا، انہیں سفیان نے خبر دی، انہیں حبیب بن ابی ثابت نے، انہیں سعید بن جبیر نے اور ان سے ابن عباس (رض) نے بیان کیا کہ جب یہ آیت وأنذر عشيرتک الأقربين‏ اور آپ اپنے قریبی رشتہ داروں کو ڈرائیے۔ اتری تو نبی کریم ﷺ نے الگ الگ قبائل کو دعوت دی۔