Sahih Bukhari: Hadith 4961

ہم سے احمد بن ابی داؤد ابو جعفر منادی نے بیان کیا، کہا ہم سے روح نے بیان کیا، کہا ہم سے سعید بن ابی عروبہ نے، ان سے قتادہ نے اور ان سے انس بن مالک (رض) نے کہ نبی کریم ﷺ نے ابی بن کعب سے فرمایا کہ اللہ تعالیٰ نے مجھے حکم دیا ہے کہ تمہیں قرآن کی (سورۃ لم یکن) پڑھ کر سناؤں۔ انہوں نے پوچھا کیا اللہ نے آپ سے میرا نام بھی لیا ہے ؟ آپ ﷺ نے فرمایا کہ ہاں۔ ابی بن کعب (رض) بولے تمام جہانوں کے پالنے والے کے ہاں میرا ذکر ہوا ؟ آپ ﷺ نے فرمایا کہ ہاں اس پر ان کی آنکھوں سے آنسو نکل پڑے۔