Sahih Bukhari: Hadith 5227

ہم سے عبدان نے بیان کیا، کہا ہم کو عبداللہ بن مبارک نے خبر دی، انہیں یونس نے، انہیں زہری نے، کہا کہ مجھے سعید بن مسیب نے خبر دی، اور ان سے ابوہریرہ (رض) نے بیان کیا کہ ہم رسول اللہ ﷺ کے پاس بیٹھے ہوئے تھے نبی کریم ﷺ نے فرمایا کہ خواب میں میں نے اپنے آپ کو جنت میں دیکھا۔ وہاں میں نے دیکھا کہ ایک محل کے کنارے ایک عورت وضو کر رہی تھی۔ میں نے پوچھا کہ یہ محل کس کا ہے ؟ فرشتے نے کہا کہ عمر بن خطاب (رض) کا۔ میں ان کی غیرت کا خیال کر کے واپس چلا آیا۔ عمر (رض) نے جو اس وقت مجلس میں موجود تھے اس پر رو دیئے اور عرض کیا : یا رسول اللہ ! کیا میں آپ پر غیرت کروں گا ؟