Sunan Darimi: Hadith 1220

ابوبکر اور ابومسلمہ بیان کرتے ہیں ان دونوں حضرات نے حضرت ابوہریرہ (رض) کی اقتداء میں نماز ادا کی جب وہ رکوع میں گئے تو انھوں نے تکبیر کہی جب انھوں نے سر اٹھایا تو سمع اللہ لمن حمدہ پڑھا پھر ربنا لک الحمد پڑھا پھر سجدے میں جاتے ہوئے تکبیر کہی پھر سجدے سے سر اٹھاتے ہوئے تکبیر کہی پھر جب وہ دو رکعت ادا کرنے کے بعد کھڑے ہوئے تو تکبیر کہی انھوں نے فرمایا اس ذات کی قسم جس کے دست قدرت میں میری جان ہے میں تم سب کے مقابلے میں سب سے زیادہ بہتر نبی اکرم (صلی اللہ علیہ وآلہ وسلم) کی طرح نماز پڑھتاہوں نبی اکرم (صلی اللہ علیہ وآلہ وسلم) دنیا سے تشریف لے جانے تک اسی طرح نماز ادا کرتے رہے۔