Sunan Darimi: Hadith 1448

حضرت ابن عباس (رض) بیان کرتے ہیں نبی اکرم (صلی اللہ علیہ وآلہ وسلم) رات کے وقت جب تہجد کی نماز پڑھنے کے لیے کھڑے ہوتے تو یہ دعا مانگتے۔ اے اللہ ہر طرح کی حمد تیرے لیے ہے تو آسمانوں اور زمین میں موجود چیزوں کو نور عطا کرنے والا ہے ہر طرح کی حمد تیرے لیے ہے تو آسمانوں اور زمین میں موجود ہر چیز کو قائم رکھنے والا ہے ہر طرح کی حمد تیرے لیے تو آسمانوں اور زمین میں موجود ہر چیز کا مالک ہے تو حق ہے تیرا فرمان حق ہے تیری بارگاہ میں حاضری حق ہے جنت حق ہے جہنم حق ہے، دوبارہ زندہ ہونا حق ہے تمام نبی حضرت محمد حق ہیں اے اللہ میں تیرے لیے اسلام لاتا ہوں تجھ ہر ایمان رکھتا ہوں تجھ پر توکل رکھتا ہوں تیری طرف رجوع کرتا ہوں تیری مدد سے مقابلہ کرتا ہوں اور تیری طرف فیصلے کے لیے آتا ہوں تو میری مغفرت کردے ان سب کی جو گزر چکے ہیں اور جو بعد میں آئیں گے جو میں نے اعلانیہ کئے اور جو پوشیدہ طور پر کئے بیشک تو آگے لانے والا ہے اور تو ہی پیچھے لانے والا ہے تیرے علاوہ کوئی معبود نہیں ہے اور تیری مدد کے بغیر کچھ نہیں کرسکتا۔