Sunan Darimi: Hadith 1810

سیدہ عائشہ (رض) بیان کرتی ہیں سیدہ سودہ بنت زمعہ نے نبی اکرم (صلی اللہ علیہ وآلہ وسلم) سے یہ اجازت مانگی کہ آپ اپنے روانہ ہونے سے پہلے ہی انھیں روانگی کی اجازت دیں تو نبی اکرم (صلی اللہ علیہ وآلہ وسلم) نے انھیں اجازت دے دی۔ قاسم بیان کرتے ہیں وہ ایک بھاری بھرکم خاتون تھیں وہ روانہ ہوگئیں اور ہم لوگ وہیں رہے یہاں تک کہ ہم نبی اکرم (صلی اللہ علیہ وآلہ وسلم) کے ہمراہ روانہ ہوئے۔ حضرت عائشہ (رض) فرماتی ہیں جس طرح سیدہ سودہ نے نبی اکرم (صلی اللہ علیہ وآلہ وسلم) سے اجازت مانگی تھی میں بھی اسی طرح آپ سے اجازت لے کر لوگوں سے پہلے چلی جاتی تھی تو یہ بات میرے نزدیک ہر اس چیز سے زیادہ پسندیدہ ہوتی ہے جس کی وجہ سے خوش ہوا جاتا ہے۔