Sunan Darimi: Hadith 2172

بنوعبدالمطلب سے تعلق رکھنے والے ایک صاحب زبیربن سعید بیان کرتے ہیں مجھے عبداللہ بن علی (رض) کے حوالے سے ایک روایت کا پتہ چلاجوانہی کے محلے میں رہتے تھے کہتے ہیں میں ان کے پاس آیا اور ان سے دریافت کیا تو انھوں نے جواب دیا کہ میرے والدنے مجھے یہ حدیث بتائی ہے۔ کہ میرے دادا نے اپنی بیوی کو طلاق بتہ دے دی پھر وہ نبی اکرم صلی اللہ علیہ کی خدمت میں حاضر ہوئے اور آپ سے اس بات کا ذکر کیا نبی اکرم صلی اللہ علیہ نے فرمایا تمہارا اراہ کیا تھا (تمہاری نیت کیا تھی) انھوں نے عرض کی ایک طلاق نبی اکرم صلی اللہ علیہ نے دریافت کیا اللہ کی قسم انھوں نے عرض کی اللہ کی قسم نبی اکرم صلی اللہ علیہ نے فرمایا پھر وہ تمہاری نیت کے مطابق ہوئی ہے۔