Sunan Darimi: Hadith 223

حضرت ابن مسعود (رض) ارشاد فرماتے ہیں نبی اکرم (صلی اللہ علیہ وآلہ وسلم) نے مجھ سے ارشاد فرمایا علم حاصل کرو اور لوگوں کو اس کی تعلیم دو ۔ وراثت کا علم حاصل کرو اور لوگوں کی اس کی تعلیم دو ۔ قرآن کا علم حاصل کرو اور لوگوں کو اس کی تعلیم دو ۔ میں تو دنیا سے رخصت ہوجاؤں گا اور عنقریب علم کم ہوجائے گا فتنے ظاہر ہوں گے یہاں تک کہ ایسے دو افراد جن کے درمیان کسی فرض کے بارے میں اختلاف ہوجائے تو انھیں کوئی ایسا شخص نہیں ملے گا جوان کے درمیان فیصلہ کرسکے۔