Sunan Darimi: Hadith 2369

صخر بن عیلہ بیان کرتے ہیں میں نے حضرت مغیرہ بن شعبہ کی پھوپھی کو پکڑ لیا میں اسے لے کر نبی اکرم (صلی اللہ علیہ وآلہ وسلم) کی خدمت میں آیا تو حضرت مغیرہ نے نبی اکرم (صلی اللہ علیہ وآلہ وسلم) سے اپنی پھوپھی کو مانگ لیا۔ نبی اکرم (صلی اللہ علیہ وآلہ وسلم) نے ارشاد فرمایا اے صخر جب کچھ لوگ اسلام قبول کرلیں تو وہ اپنے اموال اور اپنے خون کو محفوظ کرلیتے ہیں تم اس خاتون کو مغیرہ کے حوالے کردو حضرت صخر بیان کرتے ہیں بنوسلیم کا ایک چشمہ تالاب یا کنواں تھا جب انھوں نے اسلام قبول کیا تو نبی اکرم (صلی اللہ علیہ وآلہ وسلم) نے مجھے بلایا اور ارشاد فرمایا اے صخر جب کوئی لوگ اسلام قبول کرلیں تو وہ اپنے اموال اور اپنے خون کو محفوظ کرلیتے ہیں تم اس تالاب کو ان کے حوالے کردو (حضرت صخر کہتے ہیں میں نے وہ ان کے حوالے کردیا۔