Sunan Darimi: Hadith 2434

ربعی بن حراش بیان کرتے ہیں حضرت حذیفہ نے انھیں بتایا نبی اکرم (صلی اللہ علیہ وآلہ وسلم) نے ارشاد فرمایا فرشتوں نے تم سے پہلے زمانے سے تعلق رکھنے والے ایک شخص سے ملاقات کی اور دریافت کیا کیا تم نے کبھی کوئی نیک کام کیا ہے جواب آیا نہیں۔ فرشتوں نے کہا یاد کرو۔ وہ شخص بولا میں لوگوں کو قرض دیا کرتا تھا اور اپنے ملازمین کو ہدایت کرتا تھا کہ وہ تنگ دست کو مزید مہلت دیں اور خوشحال سے درگزر کریں۔ نبی اکرم (صلی اللہ علیہ وآلہ وسلم) نے فرمایا اللہ نے حکم دیا اے فرشتو تم اس سے درگزر کرو۔