Sunan Darimi: Hadith 2472

حضرت سوید بن قیس بیان کرتے ہیں میں اور مخرمہ عبدی نے بحرین سے ایک کپڑا خریدا اور مکہ لے آئے نبی اکرم (صلی اللہ علیہ وآلہ وسلم) ہمارے پاس تشریف لائے آپ نے ہمارے ساتھ ایک پاجامے کا سودا کیا راوی کو شک ہے آپ نے ہم سے ایک پاجامہ خریدا وہاں وزن کرنے والا ایک شخص موجود تھا جو معاوضے کا وزن کرتا تھا آپ نے اس وزن کرنے والے سے فرمایا تم وزن کرو اور زیادہ تول دینا۔ (یعنی قیمت زیادہ کرنا) پھر نبی اکرم (صلی اللہ علیہ وآلہ وسلم) وہاں تشریف لے گئے تو لوگوں نے بتایا کہ یہ تو اللہ کے رسول تھے۔