Sunan Darimi: Hadith 2499

بہیسہ اپنے والد کا یہ بیان نقل کرتے ہیں وہ نبی اکرم (صلی اللہ علیہ وآلہ وسلم) کی خدمت میں حاضر ہوئے اور آپ سے اجازت لے کر آپ کی قمیص کے اندر اپنا منہ ڈال کر مہر نبوت کا بوسہ لیا راوی بیان کرتے ہیں کہ انھوں نے نبی اکرم (صلی اللہ علیہ وآلہ وسلم) کے جسم کو اپنے جسم کے ساتھ لپٹا لیا تھا انھوں نے دریافت کیا وہ کون سی چیز ہے جسے استعمال کرنے سے روکناجائز نہیں ہے۔ نبی اکرم (صلی اللہ علیہ وآلہ وسلم) نے فرمایا نمک اور پانی۔ انھوں نے عرض کی وہ کون سی چیز ہے جس کے استعمال کرنے سے روکنا جائز نہیں ہے نبی اکرم (صلی اللہ علیہ وآلہ وسلم) نے فرمایا اگر تم نیکی کروگے تو وہ تمہارے لیے زیادہ بہتر ہے انھوں نے پھر اسی طرح دریافت کیا نبی اکرم (صلی اللہ علیہ وآلہ وسلم) نے پھر فرمایا اگر تم نیکی کروگے تو وہ تمہارے لیے بہتر ہے۔ راوی کہتے ہیں آپ نے صرف نمک اور پانی کی پابندی کی ہے امام دارمی فرماتے ہیں ان سے سوال کیا گیا کہ آپ اس حدیث کے مطابق فتوی دیتے ہیں انھوں نے سر کے اشارے سے جواب دیا جی ہاں۔