Sunan Darimi: Hadith 2683

حضرت ابوہریرہ (رض) روایت کرتے ہیں میں نے نبی اکرم (صلی اللہ علیہ وآلہ وسلم) کو یہ ارشاد فرماتے ہوئے سنا ہے جب اللہ تعالیٰ سب لوگوں کو ایک کھلے میدان میں اکٹھا کرے گا تو ایک شخص یہ اعلان کرے گا کہ ہر گروہ اس کے ساتھ مل جائے جس کی وہ عبادت کرتا تھا تو ہر گروہ اس کے ساتھ مل جائے گا جس کی وہ عبادت کرتا تھا۔ کچھ لوگ وہیں رہ جائیں گے یہ شخص ان لوگوں کے پاس آئے گا اور دریافت کرے گا کہ تمہارا کیا معاملہ ہے لوگ تو چلے گئے اور تم یہاں پر ہی ہو وہ لوگ جواب دیں گے ہم اپنے معبودوں کا انتظار کر رہے ہیں وہ شخص دریافت کرے گا کیا تم اسے پہچانتے ہو وہ لوگ جواب دیں گے جب وہ ہمیں اپنی پہچان کرائے گا تو ہم اسے پہچان لیں گے تو اللہ تعالیٰ لوگوں کے سامنے اپنی پنڈلی سے پردہ ہٹائے گا وہ وہ سجدے میں چلے جائیں گے اللہ کے اس فرمان کا یہی مطلب ہے کہ جب پنڈلی سے پردہ ہٹایا جائے گا اور سجدے کی دعوت دی جائے گی تو وہ ایسا نہیں کرسکیں گے۔ اس کے بعد منافق رہ جائیں گے وہ سجدہ نہیں کریں گے پھر وہ شخص ان مسلمانوں کو جنت کی طرف لے جائے گا۔