Sunan Darimi: Hadith 87

حضرت انس (رض) بیان کرتے ہیں کہ سیدہ فاطمہ نے کہا اے انس (رض) تم لوگوں نے یہ کیسے گوارا کیا کہ تم لوگ نبی اکرم (صلی اللہ علیہ وآلہ وسلم) پر مٹی ڈالو سیدہ فاطمہ نے یہ بھی کہا اے ابا جان۔ آپ اپنے پروردگار کے کتنے قریب ہیں۔ اے اباجان جنت الفردوس آپ کا ٹھکانا ہے اے اباجان حضرت جبرائیل نے آپ کی وفات کی خبر دی تھی۔ اے اباجان آپ نے اپنے پروردگار کے بلاوے پر لبیک کہا۔ حماد بیان کرتے ہیں ثابت نے جب یہ حدیث بیان کی تو وہ رونے لگے ثابت بیان کرتے ہیں حضرت انس (رض) نے جب حدیث بیان کی تو وہ بھی رونے لگے تھے۔