حضرت ابن عباس (رض) ایسے شخص کے بارے میں جو اپنی حائضہ بیوی کے ساتھ صحبت کرے فرماتے ہیں اسے ایک دینار یا شاید نصف دینار صدقہ کرنا چاہیے۔ شعبہ فرماتے ہیں میری یاد داشت کے مطابق یہ حدیث مرفوع ہے البتہ فلاں اور فلاں راوی نے اسے مرفوع حدیث کے طور پر نقل نہیں کیا۔ بعض محدثین نے ان سے کہا آپ ہمیں اپنی یاد داشت کے مطابق حدیث سنا دیں اور فلاں فلاں راوی نے جو کہا اسے چھوڑ دیں تو شعبہ نے کہا اللہ کی قسم مجھے یہ بات پسند نہیں ہے کہ میں دنیا میں حضرت نوح جتنی لمبی زندگی بسر کروں اور پھر یہ حدیث بیان کردوں یا اسے بیان کرنے سے خاموش رہوں۔ امام ابو محمد دارمی فرماتے ہیں اس حدیث کے ایک راوی عبدالحمید، زید بن عبدالرحمن بن زید بن خطاب کے صاحبزادے ہیں یہ حضرت عمر بن عبدالعزیز کی طرف سے کوفہ کے گورنر تھے۔