حضرت ابوموسی اشعری بیان کرتے ہیں نبی اکرم (صلی اللہ علیہ وآلہ وسلم) نے ہمیں خطبہ دیتے ہوئے ہمیں نماز کا طریقہ سکھایا تھا اور ہمیں اس کے آداب کے بارے میں بتایا تھا آپ نے یہ بھی ارشاد فرمایا تھا جب نماز قائم کی جائے تو تم میں سے کوئی ایک شخص تمہاری امامت کروائے جب وہ تکبیر کہے تو تم بھی تکبیر کہو جب وہ غیر المغضوب علیھم و لا الضالین کہے تو تم آمین کہو اللہ تمہاری دعا قبول کرے گا جب وہ تکبیر کہتے ہوئے رکوع میں جائے تو تم بھی تکبیر کہتے ہوئے رکوع میں جاؤ امام تم سے پہلے رکوع میں جائے گا وہ تم سے پہلے رکوع سے اٹھے گا نبی اکرم (صلی اللہ علیہ وآلہ وسلم) نے یہ بھی ارشاد فرمایا یہ اسی طرح ہوگا کہ جب امام سمع اللہ لمن حمدہ پڑھے گا تو تم اللھم ربنا و لک الحمد پڑھو گے۔ راوی کو شک ہے کہ الفاظ یہ ہیں ربنا و لک الحمد۔ کیونکہ اللہ نے اپنے نبی کی زبانی یہ بات بیان کی ہے جس نے اس کی حمد بیان کی اللہ نے اسے سن لیا۔