حضرت مغیرہ بن شعبہ بیان کرتے ہیں نبی اکرم (صلی اللہ علیہ وآلہ وسلم) تشریف لائے، حضرت مغیرہ بھی ان کے ساتھ تھے لوگ نماز باجماعت شروع کرچکے تھے۔ یہ فجر کی نماز تھی انھوں نے حضرت عبدالرحمن بن عوف کو نماز پڑھانے کے لیے آگے کردیا تھا وہ نبی اکرم کے تشریف لانے سے پہلے انھیں فجر کی نماز میں ایک رکعت پڑھاچکے تھے۔
پھر نبی اکرم (صلی اللہ علیہ وآلہ وسلم) تشریف لائے تو آپ حضرت عبدالرحمن کے پیچھے لوگوں کے ساتھ صف میں دوسری رکعت میں شامل ہوگئے جب حضرت عبدالرحمن نے سلام پھیر دیا تو نبی اکرم (صلی اللہ علیہ وآلہ وسلم) کھڑے ہوئے اور آپ نے (پہلے رہ جانے والی رکعت) ادا کی۔ اس وجہ سے لوگ پریشان ہوگئے انھوں نے بکثرت تسبیح پڑھنا شروع کردی نبی اکرم (صلی اللہ علیہ وآلہ وسلم) نے اپنی نماز مکمل کرلینے کے بعد ان لوگوں سے فرمایا : تم نے ٹھیک کیا (کہ نماز باجماعت ادا کرلی)