حضرت ابوسعید (رض) بیان کرتے ہیں ایک مرتبہ نبی اکرم (صلی اللہ علیہ وآلہ وسلم) اپنے اصحاب کو نماز پڑھا رہے تھے تو اپنے جوتوں کو بائیں طرف رکھ دیا جب اصحاب نے دیکھا تو انھوں نے بھی اپنے جوتے اتار کر رکھ دیئے جب نبی اکرم (صلی اللہ علیہ وآلہ وسلم) نماز سے فارغ ہوئے تو آپ نے اصحاب سے پوچھا تم لوگوں نے اپنے جوتے کیوں اتار دیے۔ انھوں نے جواب دیا ہم نے آپ کو جوتے اتارتے ہوئے دیکھا تو ہم نے بھی جوتے اتاردیے۔ نبی اکرم (صلی اللہ علیہ وآلہ وسلم) نے فرمایا جبرائیل میرے پاس آئے اور انھوں نے مجھ سے کہا آپ کے دونوں جوتوں پر گندگی لگی ہوئی ہے تم میں سے جب بھی مسجد میں کوئی شخص آئے تو اسے چاہیے کہ اپنے جوتے الٹا کر دیکھ لے اگر کوئی گندگی نظر آئے تو اسے صاف کردے اور پھر نماز ادا کرے۔