حضرت جابر بن عبداللہ بیان کرتے ہیں رسول اللہ (صلی اللہ علیہ وآلہ وسلم) نے فرمایا مجھے پانچ خصوصیات عطاکی گئی ہیں جو پہلے کسی نبی کو نہیں عطاکی گئی۔
1 ۔ میرے لیے مال غنیمت کو حلال قرار دیا گیا جو مجھ سے پہلے والوں کے لیے حرام تھا۔
2 ۔ میرے لیے تمام روئے زمین کو سجدہ گاہ اور تیمم کا ذریعہ بنایا گیا۔
3 ۔ میرے دشمنوں پر ایک ماہ کی مسافت سے میرا رعب قائم کیا گیا۔
4 ۔ اور مجھے شفاعت کا منصب عطا کیا گیا۔
5 ۔ مجھ سے پہلے ہر نبی کو کسی مخصوص قوم کی طرف مبعوث کیا گیا لیکن مجھے تمام بنی نوع انسان کی طرف بھیجا گیا ہے۔