حضرت ابن عمر (رض) بیان کرتے ہیں ایک مرتبہ نبی اکرم (صلی اللہ علیہ وآلہ وسلم) خطبہ دے رہے تھے آپ نے قبلہ کی جانب مسجد کی دیوار پر تھوک لگا دیکھا تو حاضرین مسجد کے سامنے ناراضگی کا اظہار کرتے ہوئے ارشاد فرمایا بیشک جب کوئی شخص نماز پڑھ رہا ہوتا ہے تو اللہ اس کے سامنے ہوتا ہے تو کوئی بھی شخص ہرگز سامنے کی طرف نہ تھوکے (راوی کو شک ہے یہاں پر لفظ دوسرا منقول ہے) پھر نبی اکرم (صلی اللہ علیہ وآلہ وسلم) کے حکم کے تحت اس تھوک کو صاف کردیا گیا۔ اس حدیث کے راوی کہتے ہیں میرے علم کے مطابق میرے استاد نے یہ بات بیان کی تھی کہ اس تھوک کو زعفران کے ذریعے صاف کیا گیا۔