حضرت عبداللہ بن حبشی بیان کرتے ہیں نبی اکرم (صلی اللہ علیہ وآلہ وسلم) سے سوال کیا گیا کون سے اعمال افضل ہیں ؟ آپ نے جواب دیا : ایسا ایمان جس میں کوئی شک نہ ہو۔ ایسا جہاد جس میں (مال غنیمت میں) کوئی خیانت کی گئی ہو اور ایسا حج جس میں کوئی بری بات نہ ہو۔ دریافت کیا گیا کون سی نماز افضل ہے ؟ نبی اکرم (صلی اللہ علیہ وآلہ وسلم) نے جواب دیا : طویل قیام والی عرض کی گئی کون سا صدقہ افضل ہے ؟ آپ نے فرمایا : تنگدستی کے عالم میں دیا جانے والا صدقہ عرض کی گئی کون سی ہجرت افضل ہے ؟ آپ نے جواب دیا : اللہ نے تمہارے لیے جو چیزیں حرام کردیں ہیں انھیں چھوڑ دینا۔ عرض کی گئی کون ساجہاد افضل ہے ؟ آپ نے فرمایا اس شخص کا جہاد جو مشرکین کے ساتھ اپنی جان اور مال کے ہمراہ جہاد کرے۔ عرض کی گئی کون سا مقتول افضل ہے ؟ آپ نے فرمایا جس کے گھوڑے کی ٹانگیں کاٹ دی جائیں اور اس شخص کو شہید کردیا جائے۔