حضرت ابوہریرہ (رض) بیان کرتے ہیں نبی اکرم (صلی اللہ علیہ وآلہ وسلم) نے ظہر یا شاید عصر کی نماز پڑھائی اور دو رکعت ادا کرنے کے بعد سلام پھیر دیا ان سے دو ہاتھوں والوں نے عرض کیا یہ صاحب بنوزہرہ کے حلیف تھے کیا نماز مختصر ہوئی یا آپ بھول گئے ہیں یا رسول اللہ۔ نبی اکرم (صلی اللہ علیہ وآلہ وسلم) نے ارشاد فرمایا نہ میں بھولا ہوں نہ نماز مختصر ہوئی ہے تو اس نے عرض کیا اس میں سے کوئی ایک بات ہوئی ہے پھر نبی اکرم (صلی اللہ علیہ وآلہ وسلم) لوگوں کی طرف متوجہ ہوئے اور دریافت کیا کیا ذوالیدین نے درست کہا ہے کہ لوگوں نے عرض کیا جی ہاں تو آپ کھڑے ہوئے اور نماز مکمل کی۔ راوی بیان کرتے ہیں مجھے کسی نے یہ حدیث نہیں سنائی لیکن نبی اکرم (صلی اللہ علیہ وآلہ وسلم) نے اس نماز میں بیٹھنے کے عالم میں دو سجدے کئے تھے میرے خیال کے مطابق ایسا ہی ہے باقی اللہ بہتر جانتا ہے اس کی وجہ یہ ہے کہ لوگوں نے نبی اکرم (صلی اللہ علیہ وآلہ وسلم) کو اس بات کا یقین دلایا تھا کہ یہاں تک کہ آپ کو یقین آگیا۔