حکم اور سلمہ بن کہیل یہ دونوں حضرات بیان کرتے ہیں حضرت جبیر نے مزدلفہ میں ہمیں مغرب کی نماز میں اقامت کے ہمراہ تین رکعت پڑھائیں پھر جب انھوں نے سلام پھیرا تو کھڑے ہوگئے اور عشاء کی دو رکعت پڑھائیں اور پھر حضرت ابن عمر (رض) کے حوالے سے یہ بات بیان کی تھی کہ حضرت ابن عمر (رض) نے ان لوگوں کے ساتھ اس جگہ پر ایسا ہی کیا تھا اور حضرت ابن عمر (رض) نے یہ حدیث بیان کی تھی کہ نبی اکرم (صلی اللہ علیہ وآلہ وسلم) نے اس جگہ پر اس طرح کیا تھا (یعنی دو نمازیں ایک ساتھ ادا کی تھیں)
یہی روایت ایک اور سند کے ہمراہ منقول ہے۔