حضرت عبدالرحمن بن ابولبابہ بیان کرتے ہیں حضرت ابولبابہ نے انھیں بتایا کہ جب نبی اکرم (صلی اللہ علیہ وآلہ وسلم) ان سے راضی ہوگئے تو انھوں نے عرض کی یا رسول اللہ میری توبہ میں یہ بات بھی شامل ہے کہ میں اپنی قوم کے گھر سے علیحدگی اختیار کرتا ہوں اور آپ کے پاس سکونت اختیار کرتا ہوں اور اپنا مال اللہ اور اس کے رسول کے لیے صدقہ کرتا ہوں نبی اکرم (صلی اللہ علیہ وآلہ وسلم) نے ارشاد فرمایا تمہارے لیے ایک تہائی (مال صدقہ کرنا) ہی کافی ہوگا۔