سیدہ ام ہانی بیان کرتی ہیں نبی اکرم (صلی اللہ علیہ وآلہ وسلم) ان کے پاس تشریف لائے سیدہ ام ہانی نے روزہ رکھا ہوا تھا آپ کی خدمت میں ایک برتن پیش کیا گیا۔ آپ نے اس سے کچھ مشروب پی لیا اور پھر اسے سیدہ ام ہانی کی طرف بڑھا دیا سیدہ ام ہانی نے بھی اسے پی لیا نبی اکرم (صلی اللہ علیہ وآلہ وسلم) نے ارشاد فرمایا اگر تم نے رمضان کی قضا کا روزہ رکھا ہوا تھا تو پھر کسی اور دن روزہ رکھ لینا اور اگر یہ نفلی روزہ تھا تو اگر تم چاہو تو اس کی قضا رکھ لینا اور اگر چاہو تو قضا نہ کرنا۔