حضرت ابن عباس (رض) بیان کرتے ہیں ایک خاتون نے روزے کی نذر مانی اس کا انتقال ہوگیا اس کا بھائی نبی اکرم (صلی اللہ علیہ وآلہ وسلم) کی خدمت میں حاضر ہوا اور آپ سے اس بارے میں دریافت کیا تو نبی اکرم (صلی اللہ علیہ وآلہ وسلم) نے اس سے فرمایا اگر اس خاتون کے ذمے کوئی قرض ہوتا تو کیا تم اسے ادا کرتے ؟ اس نے جواب دیا جی ہاں نبی اکرم (صلی اللہ علیہ وآلہ وسلم) نے فرمایا تو اللہ کا قرض بھی ادا کرو۔ کیونکہ اللہ اس بات کا زیادہ حق دار ہے کہ اس کا قرض ادا کیا جائے (راوی کو شک ہے) تو اس شخص نے اس خاتون کی طرف سے روزہ رکھا۔