حضرت عبداللہ بن ابوقتادہ بیان کرتے ہیں میرے والد نبی اکرم (صلی اللہ علیہ وآلہ وسلم) کے ہمراہ حدیبیہ کے سال روانہ ہوئے نبی اکرم (صلی اللہ علیہ وآلہ وسلم) کے اصحاب نے احرام باندھا ہوا تھا جبکہ حضرت ابوقتادہ نے احرام نہیں باندھا ہوا تھا انھوں نے ایک نیل گائے کو پکڑا اور اسے زخمی کردیا اور اس کا گوشت کھالیا (حضرت ابوقتادہ بیان کرتے ہیں) میں نے عرض کیا یا رسول اللہ میں نے ایک نیل گائے کو پکڑ کر اس کو شکار کیا ہے تو نبی اکرم (صلی اللہ علیہ وآلہ وسلم) نے لوگوں کو اس کا حکم دیا اسے کھالو وہ سب لوگ حالت احرام میں تھے۔