حضرت ابن عباس (رض) بیان کرتے ہیں ایک شخص نبی اکرم (صلی اللہ علیہ وآلہ وسلم) کے ہمراہ عرفہ میں ٹھہرا ہوا تھا وہ اپنی اونٹنی سے گرگیا ۔ (راوی کو شک ہے یا شاید یہ الفاظ ہیں) کہ اس کی اونٹنی نے اسے گرا دیا نبی اکرم (صلی اللہ علیہ وآلہ وسلم) نے ارشاد فرمایا اسے پانی اور بیری کے پتوں کے ذریعے غسل دو اور اسے دو کپڑوں میں کفن دو اور اسے خوشبو نہ لگانا۔ اور اس کا سر بھی نہ ڈھانپنا کیونکہ اللہ تعالیٰ اسے قیامت کے دن تلبیہ پڑھتا ہوا لائے گا۔