حضرت ربیعہ بن سبرہ بیان کرتے ہیں ان کے والد نے ہمیں بتایا تھا ان حضرات نے نبی اکرم (صلی اللہ علیہ وآلہ وسلم) کے ہمراہ سفر کیا یہاں تک کہ وہ لوگ عسفان پہنچے تو بنو مدلج سے تعلق رکھنے والے شخص نے جس کا نام مالک بن سراقہ یا شاید سراقہ بن مالک تھا نبی اکرم (صلی اللہ علیہ وآلہ وسلم) سے دریافت کیا ان لوگوں کے بارے میں ہمیں حکم فرما دیجیے جو آج پیدا ہوئے ہیں نبی اکرم (صلی اللہ علیہ وآلہ وسلم) نے فرمایا اللہ تعالیٰ نے تمہارے حج میں اس عمرے کو داخل کردیا ہے لہٰذا تم لوگ آؤ جو شخص بیت اللہ کا طواف اور صفا مروہ کے درمیان سعی کرلے تو وہ احرام کھول لے۔ البتہ جس شخص کے ہمراہ قربانی کا جانور ہو اس کا حکم مختلف ہے۔